info@lpsh-al.org     Tel: +377 44 192 683

Mirësevini në LPSH

Në vitin 2003, për herë të parë u hodh ideja e formimit të një shoqate të përbashkët të psikiatërve shqiptarë. Në Nëntor të vitit 2005 u mbajt në Strugë, Kuvendi i I-rë, ku u themelua “Lidhja e Psikiatrisë Shqiptare”. Ka kaluar më shumë se një dekadë që atëherë dhe po në Strugë në Nëntor të vitit 2017, LPSH zhvilloi me sukses Konferencën e 8-të, mbajti Kuvendin e 5-të dhe vazhdon përpara udhëtimin e saj.

LPSH është sot shoqata kryesore mbarë kombëtare e profesionistëve të shëndetit mendor që perfaqëson psikiatrinë në Shqipëri, Kosovë, Maqedoni, Preshevë dhe Mali të Zi.

Ne, ndihemi krenarë për rrugën në të cilën kemi ecur, përpjekjen e përbashkët për rritje profesonale. Ne e kemi cuar në një dimension tjetër bashkëpunimin tonë profesional dhe kujdesin ndaj pacientit. Punojmë dhe përpiqemi sëbashku për më të rejat profesionale dhe për të përmirësuar standartet e shërbimeve që ofrojmë. Kontributi jonë profesional është një vlerë e shtuar e gjithë disiplinave të tjera në mjekësinë shqiptare. Aktivitetet e LPSH-së orientojnë profesionistët e shëndetit mendor të përmirësojnë qëndrimet e popullatës ndaj personave me probleme mendore, të minimizojnë faktorët e rrezikut dhe të orientojnë studimet shkencore për qasje të reja të kujdesit psikiatrik.

Bordi Drejtues i këtij mandati (viti 2017-2020) është tërësisht i angazhuar që me shumë seriozitet dhe dashuri të cojë përpara LPSH drejt konferencës së 10-të dhe aktiviteteve të tjera profesionale.

Uroj që të gjithë së bashku, si deri më tash, të vazhdojmë realizimin e objektivave që i kemi caktuar vetes.

Suksese!
Anila Hashorva (Tasho), Kryetar i LPSH