Valbona ALIKAJ
Prof. Asoc. Dr. Valbona Alikaj është Mjeke Psikiatre dhe Akademike Shqiptare, e cila është e njohur për kontributet e saj në fushën e shëndetit mendor, veçanërisht për fëmijët dhe adoleshentët. Ajo ka përfunduar studimet në Fakultetin e Mjekësisë të Universitetit të Tiranës në vitin 1992 dhe mban gradat shkencore Master dhe Doktore e Shkencave. Prej më shumë se 20 vitesh, ajo ushtron detyrën e ligjërueses në lëndët ‘Psikologji Mjekësore’ dhe ‘Psikiatri’, në Fakultetin e Mjekësisë/Universiteti i Mjekësisë në Tiranë dhe mban titullin akademik ‘Profesor i Asocijuar’. Ajo është e përkushtuar në punën e saj me studentët dhe me mjekët e rinj specializantë. Në aktivitetin e saj klinik, si Psikiatre për Fëmijë dhe Adoleshentë në Qendrën Spitalore Universitare “Nënë Tereza” në Tiranë, Prof. Alikaj merret me çështje të tilla si diagnostikimi dhe trajtimi i çrregullimeve psikiatrike te fëmijët dhe te moshat e reja, roli i prindërve dhe shoqërisë në zhvillimin e shëndetit mendor të fëmijëve. Prof. Alikaj ka kontribuar me referime të ndryshme në aktivitete kombëtare dhe ndërkombëtare, me studime dhe publikime shkencore të shumta, të cilat arrijnë deri në 270 citime, duke adresuar tema të ndryshme në lidhje me shëndetin mendor, psikiatrinë dhe shëndetin mendor të fëmijëve. Punimet e ndryshme shkencore dhe botimet e saj përfshijnë disa fusha, duke përfshirë: Studime mbi rrugët e aksesit në kujdesin psikiatrik në vendet e Europës Lindore; Praktikat e përshkrimit të medikamenteve në spitalet psikiatrike; Sjelljet vetë-dëmtmuese te adoleshentët, si dhe faktorët e lidhur me to; Hulumtime mbi sjelljet e kërkimit të ndihmës në shërbimet psikiatrike për fëmijët dhe adoleshentët në Shqipëri. Prej vitesh, Prof. Alikaj është anëtare aktive e Bordit Drejtues të LPSH.